برج خليفه هو ناطحة سحاب بيبنوها دلوقتى في منطقة الخليج التجاري اللي في دبى ، الامارات.البرج دا لس ما خلصش و مش معروف طوله النهائى ح يبقى قد ايه لان شركة اعمار المطور بتاع المشروع مخليه الارتفاع سر بسبب المنافسه مع الابراج التانيه. بس حاليا بيعتبر اطول برج اتبنى في العالم.ارتفاع البرج وصل ل 818 متر في 17 يناير 2009 البُنا ابتدا في 21 سبتمبر 2004 و بيقولو انه ح يكون جاهز فى 2 ديسمبر 2009.
ومن يوم 4 يناير من سنة 2010 اتغير اسم البرج من برج دبي الى برج خليفه .
البرج ح يبقى فيه 160 دور متقسمه بين شقق و مكاتب و فنادق من ضمنها اول فندق ل ارمانى و تحت البرج ح تتعمل نافورة ضخمه بتقدر ترش الميه لارتفاع 200 متر فى الهوا.
المهندس المعمارى اللي صمم البرج اسمه ادريان سميث (امريكانى) و بتبنيه شركه (كوريه جنوبيه) اسمها سامسونج للهندسه و البُنا.التكلفه الاجماليه لبرج خليفه هيا 4.1 بيليون دولار امريكانى و مع ان البرج لسه ما كملش لحد دلوقتى بس سعر بيع المكاتب فيه وصل ل 43,000 (دولار امريكاني) للمتر المربع الواحد.