لانثاروتى (لانزاروتى) (بالاسبانى: Lanzarote) هى جزيره اسبانيه فى الناحية الشرقية من جزر الكنارى فى المحيط الأطلنطى و على بعد حوالى 125 كيلومترا من ساحل افريقيا و حوالى 1،000 كيلومتر من شبه الجزيرة الايبيرية. مساحتها تغطى 845.9 كم 2 , و لانثاروتى رابع اكبر جزيره من جزر الكنارى, واكبر مدنها اريثيفى. اسم الجزيرة فى لغتهم الأم هى Titerro (y) gatra بمعنى "الجبال الحمرا ".
لانثاروتى ربما كانت أول جزيرة من جزر الكنارى يسكنها ناس .الفينيقيين استقروا هناك حوالى 1100 قبل الميلاد, و كتب الكتاب و الفلاسفة اليونانيين هيرودوت و أفلاطون و بلوتارخ عن جنينة هيسبيريديس ارض الخصوبة فيها ريحة الزهور والفواكه في جزء من المحيط الأطلنطى. سنة 1402 ، وبسبب التنافس مع البرتغال ابتدا تاج كاستییا غزو جزر الكنارى اللى لحد الوقت ده كان عايش فيها شعب الجوانتشيس (بالاسبانى: Guanches) احتلال جزر الكنارى قام بيه السادة النورمان الموالين للملك انريكى التالت ملك كاستییا. فى 1478 ابتدت المرحلة النهائية من غزو جزر الكنارى عملية الغزو كملت فى سنة 1496 و بقت الجزر من ساعتها تابعه للتاج الاسبانى. من 1569 لحد 1618 احتل القراصنة المغاربة جزيرة لانثاروتى عدة مرات، و كانوا بيتنقلو باستمرار ما بين الشواطئ المغربية و لانثاروتى. الحملات ماوصلتش لجزر تانيه من جزر الكنارى زى تيناريفى.
فى الفترة من 1730 لحد 1736 (2.053) يوم اتعرضت الجزيرة لسلسلة من الانفجارات البركانية ، و خلق 32 بركان جديد فى امتداد 18 كيلومتر.
