جامعة مانشستر ( انجليزى: The University of Manchester) هى جامعة موجوده فى مدينة مانشستر شمال غرب انجلترا و بتعتبر واحده من احسن جامعات فى بريطانيا و اوروبا. الجامعة اتخرج منها 25 واحد من اللى اخدوا جايزة نوبل ، و منهم 4 شغالين فى الجامعة دلوقتى ، و بكده تكون فى تالت اكبر جامعة فى بريطانيا بعدد اللى اخدوا نوبل بعد جامعة اوكسفورد و جامعة كامبريدچ. جامعة مانشستر إتأسست رسمى سنة 2004 بعد اندماج جامعة فيكتوريا مانشستر اللى إتأسست سنة 1851 و جامعة مانشستر للعلوم و التكنولوجيا اللى إتأسست سنة 1824. الجامعة من مؤسسين مجموعة راسل للجامعات فى المملكه المتحده و بتتصنف على انها جامعة من جامعات الطوب الاحمر و عضو فى مجموعة N8 للبحوث.مكتبة جامعة مانشستر (معروفة كمان بمكتبة چون رايلندز) فيها اكتر من 4 مليون كتاب و بتعتبر اكبر مكتبة فيها كتب أكاديمية فى المملكه المتحده ، لو شيلنا الإيداعات القانونية ، و كمان فيها أكبر مجموعة من الكتب و الچورنالز الالكترونية فى بريطانيا و بيستخدمها الطلبه و الأكاديميين اللى الجامعه.
جامعة مانشستر متقسمه لأربع كليات رئيسية كل منهم متقسمين لمدارس و اقسام.
كلية العلوم الانسانية انجليزى: Faculty of Humanities متقسمه لمدارس زى مدرسة مانشستر بيزنيس و مدرسة الحقوق و مدرسة العمارة و مدرسة اللغويات و مدرسة التاريخ و الحضارة و كل مدرسة لها اقسام مختلفه.
كلية العلوم الطبية انجليزى: Faculty of Medical and Human Sciences متقسمه لمدارس زى مدرسة الطب و مدرسة الصيدله و مدرسة طب الاسنان و مدرسة التمريض و مدرسة العلوم النفسيه و كل مدرسة لها اقسام مختلفه.
كلية الهندسة والعلوم الفيزيائيه انجليزى: Faculty of Engineering and Physical Sciences
كلية علوم الحياةانجليزى: Faculty of Life Sciences و بتتكون من مدرسة واحده.