جامع عمرو بن العاص او جامع عمرو هو اول جامع يتنبى فى مصر و فى افريقيا كلها سنة 642.الجامع اتبنى فى مدينة الفسطاط ، العاصمه الجديده لمصر فى نفس المكان اللى نصب فيه عمرو بن العاص خيمته. الجامع لسه بيعتبر لحد انهارده من اهم الجوامع فى منطقة مصر القديمه فى القاهره و بتتقام فى الصلوات الخمسه و بينهم بيتفتح الجامع للسياح و الزوار.
جامع عمرو بن العاص او جامع عمرو هو اول جامع يتنبى فى مصر و فى افريقيا كلها سنة 642.الجامع اتبنى فى مدينة الفسطاط ، العاصمه الجديده لمصر فى نفس المكان اللى نصب فيه عمرو بن العاص خيمته. الجامع لسه بيعتبر لحد انهارده من اهم الجوامع فى منطقة مصر القديمه فى القاهره و بتتقام فى الصلوات الخمسه و بينهم بيتفتح الجامع للسياح و الزوار. الجامع الاصلى كان بسيط و من غير عواميد مسلحه و لا مدن و سقفه كان عباره عن جريد نخل و خشب و طوله كان 29 متر و عرضه 17 متر.الجامع اتهد و اتدمر و اتعاد بنايته كام مره على مدى التاريخ لدرجة انه من الصعب دلوقتى تحديد شكل و مواصفات الجامع الاصلى.
سنة 673 امر الخليفه معاويه بن ابى سفيان انه يتعاد بنايته بالكامل من تانى و كان اول مره يتعمل له 4 مدنات فى اركان الجامع الاربعه و زود مساحة الجامع الكليه للضعف. الخليفه عبد العزيز بن مروان هده و عاد بنايته بالكامل مره تانيه سنة 698 و فى سنة 837 اتعاد بنايته على ايد العباسيين و ضاعفو مساحته. بعد ما اتحرقت مدينة الفسطاط على ايد الصليبيين ، صلاح الدين الايوبى عمل له ترميم شامل سنة 1172.الجامع دخل فى دورات هدم و اعادة بنا و اتساب فى الاخر و اتدهورت حالته خالص لحد زمن وصول نابوليون بونابارت لمصر سنة 1798.
المبنى الحالى للجامع اتبنى فى القرن التسعتاشر و لسه محتفظ ببعض التصاميم و الزخارف القديمه اللى اتضافت له على مر التاريخ.