المتحف البريطانى (إنجليزى: British Museum) فى لندن ، انجلترا، الدار القوميه اللى بتحفظ التراث الأدبى و العلمى و الفنى فى المملكه المتحده. بيضم ألاف المخطوطات الغربيه و الشرقيه، و التحف و العملات و البرديات و اللوحات الفنيه. بيعتبر من أكبر و أهم المتاحف فى العالم.
اتنشأ المتحف البريطانى سنة 1753 ، و زادت مجموعاته و تحفه بسرعه بفضل صدور قانون الإيداع ، و بفضل الهدايا و المجموعات الضخمه اللى اتضافت ليه. المتحف فيه أقدم نسخ الكتاب المقدس ، و كانت أصلا فى دير سانت كاترين فى سينا فى مصر، لكن اتسرقت و اتنقلت لروسيا القيصريه و اتباعت للمتحف. فيه كمان تحف اسلاميه و مصاحف قيمه ، و حجر رشيد اللى لقاه عسكر الحمله الفرنسيه فى مصر و اخده الإنجليز بعد ما احتلوا إسكندريه، و اللى قدر شامبوليون عن طريق نسخه اتعملت منه حل لغز اللغه الهيروغليفيه.
المتحف البريطانى بيصدر فهارس كتيره و كتب أبحاث عن محتواياته، و فيه مكتبه من أكبر و أهم المكتبات فى العالم.