وادى الملوك ، جبانه فى طيبه الغربيه فى جنوب مصر ، اتدفن فيها ملوك و أمرا الدوله الحديثه ، من تحوتمس الأول لحد رمسيس الحداشر. اتنهبت كنوزها فى العصور القديمه و ما اتلاقاش منها سليم غير مقبرة توت عنخ امون و مقبرة يويو و تويا أبو و أم تى. مقابر امنحوتب التالت و سيتى الأول بيعتبروا أجمل مقابر وادى الملوك.
مهندسين مقابر وادى الملوك اتبعوا فى نقرها اسلوب اتطور لضلعين بيتقابلوا فى زاويه قايمه، و بعدين لضلعين متوازيين ، واتملت حيطانها بزخارف و نقوش متعدده، أهمها أبواب من كتاب الموتى.