كنيسة القيامه

Coordinates: 31°46′42.4″N 35°13′47.1″E / 31.778444°N 35.229750°E / 31.778444; 35.229750 كنيسة القيامة. كنيسة القيامه او القبر المقدس - بالانجليزى: Church of the Holy Sepulchre - ، من أهم المزارات المسيحيه المقدسه فى الجزء القديم من بيت المقدس لإن بيعتقد انها اتبنت جنب المكان اللى اتصلب فيه المسيح اللى اتدفن فيها.

بيتقال ان الكنيسه اتبنت فى مكان كان فيه معبد للالاهه افروديت ، وان القديسه هيلانه ام الامبراطور قسطنطين الاول ارشدت لمكانها و بيتقال انها لقت هناك القبر و صليب الصلبوت فأمر قسطنطين ببناها (حوالى 325-326).

اتعرضت الكنيسه للحرق سنة 614 لما غزا الفرس بيت المقدس بقيادة الملك خسرو التانى لكن بعد ما استردها البيزنطيين سنة 630 رممها الامبراطور هرقل.

فى سنة 638 استولى العرب على القدس لكن الكنيسه نجيت من التدمير و التخريب بس فى سنة 1009 امر الخليفه الفاطمى الحاكم بأمر الله بهدمها و قال : " فليصير طولها عرضاً و سقفها ارضاً " فإتهجم عليها و اتنهبت و اتخربت و زعل المسيحيين الاوروبيين اللى كانو بيحجو ليها و اجتاح الغرب غضب عارم. مع ان البيزنطيين رمموها بعد كده فى سنة 1048 فى عهد الامبراطور قسطنطين الرابع مونوماخوس لكن الاعتداء عليها و التخريب اللى حصل فيها ساب احقاد كبيره و كراهيه للمسلمين و كان من الحاجات اللى مهدت لشن الحرب على المسلمين و طردهم من اسبانيا و سيسيليا (1091) و قيام الحروب الصليبيه (1096) اللى اخدت بيت المقدس و حازت كنيسة القيامه فى 15 يوليه 1099. جودفروى دى بويون اللى كان من قواد الحمله الصليبيه الاولى اللى هزمت المسلمين هزيمه ساحقه و اخدت القدس و غيرها اتلقب بملك بيت المقدس و " حامى القبر المقدس " Advocatus Sancti Sepulchri ، و اتعملت ترميمات للكنيسه كذا مره عبر التاريخ و اتناوب على حوذتها الارتودوكس و الفرنسيسكان. حالياً الكنيسه فى حوزة المسيحيين الارتودوكس لكن كل الطوايف المسيحيه ليها نصيب فيها.

فهرست

المراجع

• ابن الأثير : الكامل فى التاريخ ، دار المعرفه ، بيروت 2007
• أبى بكر بن عبد الله بن أيبك الدوادارى : كنز الدرر وجامع الغرر، الدرة المضيئة فى أخبار الدولة الفاطمية ، المعهد الألماني للآثار الاسلامية، القاهرة 1971.
• ابن كثير : البداية و النهاية ، دار صادر ، بيروت 2005
• النويرى : نهاية الأرب فى فنون الادب ، مركز تحقيق التراث ، القاهرة 1992.
• Tyerman, Christopher, God´s War, A new history of the crusades . Penguin Books, 2006

تصنيف:كنايس تصنيف:مسيحيه