معبد ديبود معبد مصرى من النوبه موجود ف مدريد من سنة 1970.
معبد ديبود ف الاصل كان على بعد 15 كيلومتر (9.3 ميل) جنوب أسوان و اتبنا 200 سنه ابل الميلاد ف جنوب مصر مش بعيد عن اول شلالات نهر النيل و عن مركز ديني كبير مكرس للإلهة إيزيس ف جزيرة فيله . بناه ملك الكوشيين على شكل مصلى من اوضه واحده صغيره مكرسة للإله آمون . و اتبنا و اتزين على تصميم شبه معبد دكه. و ايام بطليموس السادس ، بطليموس التامن و بطليموس الاتناشر من سلالة البطالمة ، تم تمديده على جميع الجوانب الاربعة لتشكيل معبد صغير، 12 X 15 متر ( 39 قدم × 49 قدم)، و كان مخصصا لإيزيس من فيلة . و كمل زخارفه الأباطره الرومان أوغسطس و تيبريوس .
ايام بنا السد العالى كان معبد ديبود متهدد إن مية النيل تغطيه زى كتير من اثار النوبه. اليونسكو عمل حمله دوليه لحفظ الإرث التاريخى الغنى ده. و كعلامة عن الشكر للمساعده اللى عملتها إسبانيا ف انقاذ معابد ابو سمبل ، إتبرعت الدولة المصرية بمعبد ديبود لإسبانيا سنة 1968.
إتعاد بنا المعبد ف واحد من جناين مدريد، باركى ديل اويستى ، مش بعيد عن القصر الملكي ف مدريد ، و اتفتح للجمهور سنة 1972.