سد اسوان ، أو خزان اسوان ( بالانجليزى : Aswan Dam or Aswan Low Dam سد اسوان أو سد اسوان الواطى )، سد فى مصر اتبنى فى اسوان في جنوب مصر فى الفتره ما بين 1898 و 1902 ، على بعد 946 كم من قناطر الدلتا ، طوله 1950 متر. اتبنى سد اسوان لحجز مليار متر مكعب من ماية النيل فى خزان قدامه. تمت تعليته مرتين مره سنه 1912 ومره سنة 1934 و اتقوت اهوسته الاربعه القايمه فى جهة النيل الغربيه ، و اتبنى هويس خامس ، و زادت كمية المايه المخزونه لخمس مليارات متر مكعب.
فى الاصل كان مبنى علشان يحجز المايه ايام الفيضان عشان تتصرف فى شهور الشتا. طول السد 2141 متر وعرضه 9 أمتار وله 180 بوابة و اتبنى حجر الجرانيت المتوفر بمنطقةاسوان ، و بتستغل المايه المندفعة ليه لتوليد الكهربا من محطتين ، محطة توليد اسوان الأولى و محطة توليد اسوان التانيه مع طريق بيربط بين ضفه النيل الشرقيه والغربيه.
و إكمن الخزان بيحجز الميه لمره واحده في السنه ، اتبنى السد العالى، لحجز ميه اكتر تستعمل طول السنه مع توليد كهربه .
سد اسوان غير السد العالى.